Málþing í Skálholti 3. október 2010:

Valddreifing – hvers vegna og hvernig?

Eftir afar vel heppnað og fjölmennt málþing um stjórnarskrána í Skálholti 28. ágúst sl. er nú ætlunin að halda framhaldsmálþing um efnið sunnudaginn 3. október nk. kl. 12-18. 

Þjóðfundur um stjórnarskrá er í nánd og stutt í kosningar til Stjórnlagaþing. Eins og ykkur er í fersku minni stóð Skálholtsskóli fyrir málþingi um verklag við gerð stjórnarskrár 28. ágúst s.l. Nú er ætlunin að halda áfram þessari umræðu á vegum skólans um stjórnarskrármál og taka nú fyrir viðfangsefnið valddreifingu og spyrja spurninganna „hvers vegna?“ og „hvernig?“. Valddreifing er grundvallaratriði sem í gerð stjórnarskrár.

Viðfangsefnið er ekki einskorðað við hina hefðbundnu skiptingu stjórnvalds í löggjafar-, framkvæmdar- og dómsvald. Líka þarf að fjalla um vald þjóðarinnar sem er forsenda annars valds og margt fleira.

Fyrirkomulag

Málþingið er þannig upp sett að það skiptast á framsöguerindi og vinna í hópum. Stefnt er að því að það standir frá kl. 12-18. Kapp verður lagt á markvisst starf í vinnuhópunum. Stjórnendum hópanna er ætlað að undirbúa starf þeirra og tryggja markvissa vinnu. Þátttakendur skrái sig fyrir málþingið í vinnuhópa og tilgreini fyrsta og annað val, enda kann að vera nauðsynlegt að raða í hópana til að jafna samsetningu þeirra.

Hagnýt atriði

Málþingið er öllum opið og verður auglýst í fjölmiðlum en einnig með netpósti og á vefsíðum. Skráning á þingið verður á vef Skálholtsskóla.

Þátttökugjald er 3000 kr. vegna málsverðar og annara veitinga. Þá viljum við benda fólki á að samnýta bíla, eða, ef áhugi er fyrir hendi, má leigja langferðabíl til að aka frá BSÍ kl. 11.00 og til baka kl. 18.15.

Drög að dagskrá

Kl. 12:00-12:45: Erindi, fyrri hluti

• Kristinn Ólason, rektor Skálholtsskóla setur málþingið og er jafnframt málþingsstjóri. 
• Mikael M. Karlsson, prófessor: „Loksins komist á lýðræði“.
• Lilja Skaftadóttir, framkvæmdastjóri: „Að vera virkur þátttakandi“.

Kl. 12:45-13:30

Hádegisverður.

Kl. 13:30-15:00

Vinnuhópar, fyrri starfstími. Sjá upptalningu á hópum hér neðar.

Kl. 15:00-15:45 Erindi, seinni hluti

• Auðunn Arnórsson, stjórnmálafræðingur: „Beint lýðræði sem valddreifingartæki“.
• Sigurður Már Jónsson, blaðamaður: ,,Hver á að gæta varðanna?“

Kl. 15:45-16:45

Vinnuhópar, seinni starfstími.

Kl. 16:45-17:00

Kaffihlé

Kl. 17:00-18:00

Hópstjórar skýra frá niðurstöðum vinnuhópa.

Almennar umræður.

Kl. 18:00: Málþingslok

Kristinn Ólason, rektor, slítur málþinginu.

Vinnuhópar

1. Vald þjóðarinnar. Hópstjóri: Geir Guðmundsson, verkfræðingur
2. Þingræði eða ekki? Hópstjóri: Reynir Axelsson, dósent
3. Hlutverk forseta Íslands. Hópstjóri: Þorkell Helgason,  fyrrv. prófessor
4. Sjálfstæði dómsvaldsins. Hópstjóri: Hjördís Hákonardóttir, fyrrv. hæstaréttardómari
5. Eftirlit með valdinu. Hópstjóri: Sigþrúður Þorfinnsdóttir, lögfræðingur.