Fréttir

Martti Nissinen frá Helsinki

Finnski gamlatestamentisfræðingurinn Martti Nissinen heimsótti Skálholt á dögunum, en hann var staddur hér í tengslum við fundahöld norrænnar nefndar sem ákvarðar hver hlýtur Nils Klim verðlaunin á sviði hugvísinda.

Þjónandi forysta (e. servant leadership)

Áhugahópur um „þjónandi forystu“ (e. servant leadership) hefur ákveðið í samvinnu við Skálholtsskóla og Samtök atvinnulífsins að bjóða til dagsráðstefnu um stjórnun föstudaginn 20. júní 2008 í Skálholti.

Sumarlist í Skálholti

Sunnudaginn 4. maí var opnuð listsýning í Skálholtsskóla með yfirskriftinni „Sumarlist í Skálholti“. Þar sýna fimm listakonur í Uppsveitum Árnessýslu verk sín.

Vel heppnað söngnámskeið

Síðastliðinn mánudag og þriðjudag hélt Jón Þorsteinsson söngkennari námskeið í Skálholti fyrir presta. Námskeiðið var vel sótt og gerður var góður rómur að efni þess og skipulagi.

Feldenkrais-námskeið

Helgina 2.-4. maí leiðir Sibyl Kneihs frá Vínarborg Feldenkrais-daga í Skálholti. Þetta námskeið er einkum ætlað hreyfiskertum sem fá með svokallaðri feldenkrais-tækni aukið vald yfir líkamsbeitingu og liprari hreyfingar.

Alister E. McGrath heimsækir Skálholt

Dagana 1.-4. september næstkomandi heimsækir Ísland Alister E. McGrath, prófessor í sögulegri guðfræði við Oxfordháskóla og forseti Oxford Centre for Christian Apologetics í Wycliffe Hall. Hann hefur skrifað fjölmargar bækur sem hafa verið þýddar á fjöldamörg tungumál.

Göngudagar á vordögum

Helgina 25.-27. apríl nk. verða göngu- og kyrrðardagar í Skálholti. Dagskráin hefst á föstudegi kl. 18.00 en ekki á fimmtudegi eins og auglýst var í kyrrðardagabæklingnum. Umsjón að þessu sinni hafa systkinin Pétur Pétursson og Sólveig Pétursdóttir.

Heilsudagar um næstu helgi

Verið hjartanlega velkomin á heilsu- og kyrrðardaga í Skálholti um næstu helgi. Fjölbreytt dagskrá sem leidd er af Bergþóru Baldursdóttur sjúkraþjálfara, Helgu Hróbjartsdóttur kennara, Hróbjarti Darra Karlssyni hjartalækni og Kristni Ólasyni rektor Skálholtsskóla. Dagskráin hefst á föstudag kl. 18.00 og henni lýkur eftir hádegi á sunnudag. Á þessum dögum er áhersla lögð á uppbyggjandi samveru…

Alan M. Dershowitz frá Harvard á Íslandi

Í næstu viku heimsækir Ísland bandaríski lögfræðingurinn Alan M. Dershowitz, prófessor við lagadeild Harvard-háskóla. Hann heldur námskeið fyrir lögfræðinga og dómara í Skálholtsskóla á miðvikudag og fimmtudag.

Hjónanámskeið og kyrrðardagar hjóna

Dagana 3.-6. apríl verður dagskrá í Skálholtsskóla helguð hjónum og sambýlisfólki. Um er að ræða sólarhringsnámskeið frá fimmtudegi yfir á föstudag og kyrrðardagar fyrir hjón sem hefjast nk. föstudag og standa fram yfir hádegi á sunnudag.

Kyrrð og sorg

Helgina 28.-30. mars leiðir séra Sigfinnur Þorleifsson sjúkrahúsprestur kyrrðardaga í Skálholti ásamt Kristni Ólasyni rektor. Kyrrðardagarnir eru tileinkaðir umfjöllun um sorg og sorgarviðbrögð.

Mikill söngur um síðustu helgi

Um síðustu helgi (7.-9. mars) heyrðust framandi en upplífgandi tónar í Skálholti. Sindre Eide trompetleikari og prestur frá Noregi og Estrid eiginkona hans buðu upp á námskeið þar sem sungin var trúarleg tónlist úr öllum heimsálfum. Lögin hafa hrífandi rytma og hljóðfæraslátt. Góð stemning var í hópi þátttakenda en hann samanstóð af tónlistarmönnum og söngfólki á öllum aldri.