Kyrrðardagar
Kyrrðardagar með kvikmyndum
14.–16. október 2011
Á kyrrðardögum með kvikmyndum notum við hinn sjónræna miðil kvikmyndarinnar til að næra íhugun og andlega uppbyggingu. Kvikmyndirnar sem við horfum á saman eru valdar með þetta í huga.
Kyrrð, hvíld og lofgjörð
7.–9. október 2011
Á þessum kyrrðardögum verður áhersla lögð á hvíld, íhugun og lofgjörð. Meðal annars verður boðið upp á söngsamveru í Skálholtsdómkirkju.
Sjö spor til betri vegar
21.–23. október 2011
Nýstárlegt námskeið um gildin í lífinu og kjarnann í meginreglum mannkyns. Veitt verður innsýn í sjö reglur sem geta skapað hið góða líf.
Kyrrðardagar á aðventu
2.–4. desember 2011
Kyrrðardagar fyrstu helgina í desember með áherslu á hreyfingu, slökun og kyrrð.
Feldenkrais-námskeið
5.–8. janúar 2012
Feldenkrais-námskeið með kyrrðarívafi byggist á hópkennsluaðferð dr. Moshe Feldenkrais (1904–1984) sem snýst um skynjun gegnum hreyfingu.
Þín svör fyrir þitt líf
9.–12. febrúar 2012
Á þessum kyrrðardögum munum við vinna markvisst að því að leysa úr læðingi okkar innri kraft og kjark til að takast á við okkar eigið líf.
Fyrirgefningin
23.–26. febrúar 2012
Á þessum kyrrðardögum verður boðið upp á leiðsögn í hinni kristnu íhugunaraðferð Centering Prayer. Sérstök áhersla verður lögð á fyrirgefninguna og altarissakramentið.
Tólfspor og kyrrð
16.–18. mars 2012
Leið tólfsporanna er jafnt vitsmunaleg sem andleg og á þessum kyrrðardögum verður áhersla lögð á þau spor sem lúta að andlegri vegferð manneskjunnar.
Qi Gong með kyrrðarívafi
23.–25. mars 2012
Gunnar Eyjólfsson leikari og Björn Bjarnason, fyrrverandi alþingismaður og ráðherra, leiða kyrrðardaga sem byggjast á aðferðafræði Qi Gong.
Kyrrðardagar í dymbilviku
4.–7. apríl 2012
Atburðir kyrruviku verða áberandi í hugleiðingum og helgihaldi þessara kyrrðardaga. Dagskráin hefst á miðvikudagskvöldi og henni lýkur um hádegi á laugardag.
Biblíuleg íhugun
12.–15. apríl 2012
Þessa helgi verður boðið upp á leiðsögn í hinni kristnu íhugunaraðferð Centering Prayer með áherslu á biblíulega íhugun (Lectio divina).
Heilsudagar -Hið góða líf
20.–22. apríl 2012
Á þessum dögum verður boðið upp á kynningu og fræðslu á hráfæði og heilsudrykkjum. Lögð er áhersla á hreyfingu og slökun með hollu lífrænu fæði.
