Gurrý í garðinum í Skálholti

Guðríður Helgadóttir garðyrkjufræðingur

„Sumarkvöld í Skálholti“ heitir dagskrá á miðvikudagskvöldum kl. 20 í Skálholti  næstu vikur.  Kennir þar margra grasa bókstaflega en 28. Júní kemur  Guðríður Helgadóttir garðyrkjufræðingur og kennir fólki að lesa „reyr, stör sem rósir vænar“ í Skálholti.

Fólk fær s.k. flóruspjöld og að að keppist við að greina fjölskrúðugar plöntur staðarins. Þá segir hún nokkuð frá ræktunarsögu í Skálholti en þar var unnið merkilegt ræktunarstarf á fyrri öldum. Sumir biskupanna voru fjölfróðir í lækniskúnst sem var í raun grasafræði og hófst ræktun jurta s.s. kúmens í Skálholti.
Dagskráin hefst kl. 20 og er ókeypis og öllum opin. Er þá safnast saman við jurtagarðinn fyrir framan Skálholtsskóla.
Hægt er að kaupa mat í skólanum á undan dagskránni en einnig veitingar á eftir.