Konur og kvennamenning í Skálholti

Skálholtsfélagið efnir til málþings, hungurvöku, um Konur og kvennamenningu í Skálholti. Fjallað verður um líf og hag kvenna á staðnum um aldir með stuttum fyrirlestrum og örsögum og myndum. Ætlunin er að draga fram úr glatkistunni og vekja áhuga, hungur eftir að vita meira og rannsaka betur. Framsögu hafa: Auður Hildur Hákonardóttir, Karitas Kristjánsdóttir, Kristinn Schram og Kristján Valur Ingólfsson.

Málþingið verður haldið í sal Þjóðminjasafnsins föstudaginn, 3. mars kl. 16-18 og er öllum opið.