Kyrrðardagar veturinn 2016-2017

29736354Veturinn 2016- 2017 býður Skálholtsskóli upp á fjölbreytilegar kyrrðardaga sem hafa það að markmiði að rækta mennskuna og næra andlegt líf og trú. Kyrrðardagar hafa verið í Skálholti allt frá árinu 1989 og til að byrja með voru þeir í umsjón Sigurbjörns Einarssonar biskups.

Kyrrðardagar næsta vetur verða sem hér segir:
Í þakklæti til Guðs  Kyrrðardagar fyrir konur í Skálholti 22.- 25. september.

Kyrrðardagar kvenna eru samvera fyrir konur, sem vilja njóta nærveru Guðs í einingu og friði. Umhverfi Skálholts býður upp á hvíld, kyrrða, næði og næringu fyrir líkama sál og anda. Kyrrðardagar kvenna hefjast á fimmtudeginum 22. september kl.18:00 og þeim lýkur með þáttöku í messu  sunnudag 25. September kl. 11.
Umsjón: Anna Stefánsdóttir, Kristín Sverrisdóttir og Þórdís Klara Ágústsdóttir.

“Að ganga með sjálfum sér”. Pílagrímadagar í Skálholti 27. -30. október.
Stef pílagrímsins verða í brennidepli á Pílagrímadögum í Skálholti 13. – 15. nóvember n.k. Lögð er áhersla á útivist og göngur út frá staðnum, hollustu í mataræði, jóga, slökun og kyrrðarstundir – að ganga með sjálfum sér og að ganga með öðrum.
Þau sem leiða Pílagrímadagana eru Auður Bjarnadóttir jógakennari hjá Jógasetrinu, Halldór Reynisson starfandi rektor í Skálholti og Margrét Jónsdóttir Njarðvík spænskufræðingur en hún hefur leitt pílagrímagöngur til Santiago de Compostela undanfarin ár.

Kyrrðardagar á aðventu    2.-4 desember
Íhugunarstef eru tekin úr aðventu- og jólasálmum, sem verða lesnir, sungnir og túlkaðir. Slökun, íhugun, kyrrð. Kyrrðardagar á aðventu hefjast föstudaginn 2. desember kl. 18 og þeim lýkur sunnudaginn 4. desember um kl. 14.
Umsjón dr. Pétur Pétursson prófessor. Upplýsingar, Halldór Reynisson.

Kyrrðardagar f. guðfræði- og djáknanema    27-29 janúar 2017
Umsjón:  Sr. Halldór Reynisson, Ragnheiður Sverrisdóttir, djákni og sr. Þorvaldur Víðisson
Kyrrðardagar fyrir konur í Skálholti 9.-12. mars 2017
Umsjón: Anna Stefánsdóttir, Kristín Sverrisdóttir og Þórdís Klara Ágústsdóttir.

Pílagrímakyrrð 24.-26 mars
Umsjón sr Axel Njarðvík héraðsprestur

Kyrrðardagar í dymbilviku   12.-15. apríl
Kyrrðardagar í dymbilviku í Skálholti eru elstir meðal kyrrðardaganna. Þeir hafa verið haldnir í rúman aldarfjórðung. Óhætt er að segja að enginn hafi sett svip sinn á þá og á mótun þeirra meir en Sigurbjörn Einarsson biskup sem leiddi þá um margra ára skeið.Kyrrðardagarnir hefjast miðvikudaginn í dymbilviku með kvöldbænum kl. 18 og þeim lýkur laugardaginn fyrir páska um hádegi.

Kyrrðarbæn og íhugun 4.- 7. maí
„Kyrrðarbænasamtökin“ standa fyrir kyrrðardögum í Skálholti 4.-7. maí (hægt verður að framlengja dvölina til 11. maí) þar sem áhersla verður lögð á iðkun Kyrrðarbænarinnar (kristilegrar íhugunar). Það þekkja allir sem reynt hafa að kyrrðin í Skálholti styður einstaklega vel við íhugunariðkunina. Þeim sem sækja kyrrðardagana býðst þar að auki frábært tækifæri til að fá leiðsögn í jóga og djúpslökun sem auka liðleika og veita góðan stuðning við íhugunina. Áhrifin af Kyrrðarbæninni, jógaæfingum, útiveru og hvíld í Skálholti leggjast á eitt að skapa einstaka dvöl.
Leiðbeinendur eru: Sr. Bára Friðriksdóttir, Sigurbjörg Þorgrímsdóttir, djáknakandídat og Auður Bjarnadóttir, jógakennari.