Prédikunarseminar í Skálholti 25.-26. október 2016

Tilkynning og dagskrá

Prédikunarseminar verður haldið í Skálholti 25.-26. október 2016. Að þessu sinni verður seminarið haldið á vegum Skálholtsskóla en með sama sniði og verið hefur undanfarin ár. Fyrirlesari verður dr. Wilfried Engemann, prófessor við guðfræðideild Vínarháskóla, sem okkur er að góðu kunnur.  Umsjón með námskeiðinu hefur dr. theol. Gunnar Kristjánsson prófastur emeritus.engemann_thumla

Prédikað með siðbótarafmælið í augsýn
Að vanda flytja prestar prédikanir sem síðan verða greindar og ræddar í hópnum. Í þetta sinn verður prédikað út frá völdum þemum sem vísa til siðbótarinnar. Í viðbrögðum og umræðum verður stuðst við greiningarskema sem notað hefur verið með góðum árangri á fyrri seminörum.

Skráning og upplýsingar
Prédikunarseminarið fer fram dagana 25.-26. október. Skráning fer fram í Skálholtsskóla í síma 486 8870 eða á www.skalholt.is. Kostnaður við gistingu og máltíðir er 25.000 kr.
Prestar geta sótt um styrk úr Vísindasjóði PÍ, einnig er prestum vísað á héraðssjóði. Nánari upplýsingar gefa umsjónarmaður og sr. Axel Árnason Njarðvík héraðsprestur í Suðurprófastsdæmi.

Dagskrá

Þriðjudagur 25. okt. kl. 10: Wilfried Engemann: Mennskan sem boðunarmarkmið.  Trú og trúariðkun á mannfræðilegum forsendum.

Þriðjudagur 25. okt. kl. 14: Vinnustofa: Mennskan sem boðunarmarkmið, umræður. Hver er trúarskilningur minn sem prédikara? Unnið verður út frá fyrirlestri Engemanns f.h. og efni sem þátttakendur koma með þar sem þeirra boðunarmarkmið koma fram.

Þriðjudagur 25. okt. kl. 16: Wilfried Engemann: Áhrifavald Biblíunnar sem samskiptahugtak og túlkunarfræðileg forsenda. Í hverju felst kennivald (átoritet) Biblíunnar? Almennar umræður.

Kvölddagskrá: Um guðfræði Wilfrieds Engemann; umræður þátttakenda um eigin prédikunarreynslu.

Á miðvikudag kl. 10 f.h. verður vinnustofa í prédikunargerð, verkefni lagt fyrir þar sem aðferðarfræði Engemanns er lögð til grundvallar.

Prédikunarseminarinu lýkur með hádegisverði k. 12.

Nafn (required)

Kennitalaán bandstriks (required)

netfang (required)

Sér óskir?