Sóknarprestur

johanna-magnusdottirNú í vetur mun sr. Jóhanna Magnúsdóttir leysa sr. Egil Hallgrímsson af sem sóknarprestur í Skálholtsprestakalli. Sr. Jóhanna starfaði áður sem prestur á Sólheimum í Grímsnesi. Hún hefur einnig fjölbreytilega starfsreynslu að baki m.a. sem kennari og námskeiðahaldari og er hún boðin velkomin til starfa hér í Skálholti. Hægt er að ná í sr. Jóhönnu í síma 895-6119 eða í tölvupósti: johanna.magnusdottir@kirkjan.is

553473_4984745108667_1530640624_n

Sóknarprestur í Skálholti er séra Egill Hallgrímsson.

Egill er fæddur 11. júní 1955 í Reykjavík. Foreldrar hans voru Hallgrímur Hafsteinn Egilsson, garðyrkjubóndi í Hveragerði, og Sigurlaug Guðmundsdóttir, húsfreyja í Hveragerði. Egill er kvæntur Ólafíu Sigurjónsdóttur hjúkrunarfræðingi og eiga þau tvö börn.

Egill er stúdent frá MH 1976. Hann nam sálarfræði við Háskóla Íslands 1980-82 og er cand.theol. frá guðfræðideild Háskóla Íslands 23. febrúar 1991.

Störf: Gæslumaður á Kleppsspítala og geðdeild Landspítalans 1976-1978. Kennari við Grunnskólann á Bíldudal 1978-1979. Gæslumaður (í hlutastarfi) á geðdeild Landspítalans 1982-1983. Kirkjuvörður (í afleysingum) við Dómkirkjuna í Reykjavík 1982-1989. Helgarvaktmaður á meðferðarheimili S.Á.Á. að Sogni í Ölfusi 1983-1984. Annaðist barnastarf Dómkirkjunnar í Reykjavík 1986-1989. Sóknarprestur í Skagastrandarprestakalli frá 12. maí 1991 til 31. desember 1997, vígður 12. maí 1991. Skipaður sóknarprestur í Skálholtsprestakalli frá 1. janúar 1998.

Kennslustörf: Stundakennsla við Höfðaskóla á Skagaströnd 1993-1997. Námskeið um sorg barna á vegum Farskóla Norðurlands vestra 1996 og 1997. Stundakennsla við Reykholtsskóla í Biskupstungum frá 1998.

Félags- og trúnaðarstörf: Í stjórn Skógræktarfélags Skagastrandar 1992-1997. Í stjórn Kirkjumiðstöðvarinnar við Vestmannsvatn 1993-1997. Formaður áfengisvarnanefndar Höfðahrepps 1994-1997. Í stjórn Prestafélags hins forna Hólastiftis 1995-1997. Í fulltrúaráði Hjálparstofnunar kirkjunnar 1995-1998. Í stjórn Æskulýðssambands kirkjunnar í Hólastifti 1996-1997. Í stjórn Collegium Musicum, samtaka um tónlistarstarf í Skálholti frá 1998.

Heimilisfang:
Sr. Egill Hallgrímsson
Skálholt, prestsbústaður
801 Selfoss
Sími: 486 8860
GSM: 894 6009
Netfang: soknarprestur@gmail.com