Þorlákstíðir með Cantores Islandiae í Skálholtsdómkirkju

Sönghópurinn Cantores Islandiae flytur vesper úr Þorlákstíðum í Skálholtskirkju sunnudaginn 15.desember kl. 17.30.

Þorlákstíðir eru tíðagjörð sungin til heiðurs Þorláki helga Þórhallssyni, biskupi í Skálholti á 12. öld. Hann lést á Þorláksmessu árið 1193, en ekki leið á löngu þar til hann var tekinn í heilagra manna tölu, fyrstur Íslendinga.

Þorlákstíðir hafa varðveist í handriti frá því um 1400. Eru þær einstakur menningararfur Íslendinga og bera vitni þeirri stöðu sem Þorlákurhafði í kaþólskri tíð. Söngur Þorlákstíða á einkar vel við í Skálholti, þar sem Þorlákur var biskup, og auk þess hæfir hljómburður Skálholtsdómkirkju tónlistinni sérlega vel.

Stjórnandi er Ágúst Ingi Ágústsson.