Guðsþjónusta og píslasagan í Skálholtsdómkirkju föstudaginn langa kl 16

Altarið er afskrýtt síðan á skírdagskvöldinu eftir Getsemanestundina. Á altarinu liggja fimm rauðar rósir sem tákna sár Krists á krossinum en fimmhyrningur er einnig tákn um fullkomna manneskju, fullkomna mennsku. Með afskrýðingu altarisins hylur skrúði þess ekki lengur altarið sjálft. Það táknar helgasta stað í hverri sókn og þá koma í hug orðin úr heilagri ritningu: "Drag skó þína af fótum þér, því að staðurinn, sem þú stendur á, er heilög jörð!" (2. Mósebók 3.5). Altarið er nakið til að afhjúpa lífsafstöðu okkar, skilning á tilveru okkar og trúarjátningu hins kristna manns. Háaltarið í Skálholti er flestum stöðum helgara því sú kirkja sem fyrst var reist um altari í Skálholti var kölluð móðir allra guðshúsa á Íslandi.

Píslasaga Jesú Krists er lesin úr Jóhannesarguðspjalli fléttuð saman með passíuálmum sr. Hallgríms Péturssonar. Skáholtskórinn flytur kórverk og syngur valin vers úr passíusálmunum í bland við lesturinn. Sr. Kristján Björnsson vígslubiskup og Bergþóra…